သာမဏေကျော်စာသင်တိုက်

ဘုရားရှင် ကြွလာစဉ် ယက္ခ (ဘီလူး)လူမျိုးများ အဝေးသို့ တိမ်းရှောင်သွားပုံ Kelani သိမ်တော်အတွင်းမှ ပန်းချီကား

ကမ္ဘာ့ပြက္ခဒိန်အရ ဇန်န၀ါရီလဆိုသည်မှာ နှစ်တနှစ်၏ အဦးဆုံးလပင် ဖြစ်သည်။ ဆင်ဟာလအမည်အားဖြင့် ဒုရုသုလ ဟု ခေါ်ဆိုသည်။ ထိုလတွင် ဗုဒ္ဓဘာသာ အဖြစ်အပျက်များစွာလည်း ဆက်စပ်လျက်ရှိပေသည်။ ဒုရုသု လပြည့်နေ့သည် ဗုဒ္ဓဘာသာဝင်များအတွက် အလွန်အရေးကြီးသည့် နေ့တနေ့ပင် ဖြစ်ပေသည်။

ထိုလတွင် နက္ခတ်ပညာအရ နေမင်းသည် မကာရရာသီအိမ်မှ လှည့်လည်လျက်ရှိပေသည်။ နှစ်တနှစ်၏ အဦးဆုံး အစဆုံးလ ဖြစ်သည့်အားလျော်စွာ တကမ္ဘာလုံးတွင် ဒုရုသု-ဇန်န၀ါရီလတွင် နှစ်သစ်ပွဲတော်ကို ကျင်းပလေ့ရှိကြသည်။

ဒုရုသုလတွင် ပန်းပွင့်များကို အပြင်သို့ ထုတ်ပြီး မျို့စေ့များ ကြဲချရာ အချိန်အခါကြီးပင် ဖြစ်ပေသည်။ ထိုသို့ လုပ်ဆောင်ခြင်းသည် ပျော်ရွှင်ချမ်းမြေ့ဖွယ်ရာများကို ယူဆောင်သည်ဟုလည်း ဆိုသည်။ ဒုရုသုကို အဓိပ္ပါယ်ဖွင့် ပါက ဒု=အာသု= ရာသီပြောင်းလဲခြင်း (Du= Irthu) ဟု ဆိုသည်။ ဒီလတွင် သစ်ပင်သီးနှံများကို စိုက်ပျိုးကြပြီး တောင်သူဦးကြီးများက သဘာဝအားဖြင့် မယ်ဝရ မာစေယ (Malvara Masaya) ဟု ခေါ်ကြသည်။

အကြောင်းအရာများစွာထဲမှ အရေးကြီးသည့် အကြောင်းအရာမှာ သီရိလင်္ကာကို မြတ်စွာဘုရား ပထမဦးဆုံး ကြွရောက်လာခြင်းက ဗုဒ္ဓဘာသာဝင် ဖြစ်ပေါ်လာစေခြင်း ဖြစ်စေခဲ့သည်။ မြတ်စွာဘုရားရှင်သည် စစ်ပွဲတခုကို တားဆီးနိုင်ဖို့ ကြွရောက်လာခြင်း ဖြစ်ပေသည်။

ထိုအချိန်က သီရိလင်္ကာကို အုပ်ချုပ်သူများသည် ယက္ခ၊ နာဂနှင့် ဒေ၀ မျိုးနွယ်စု လူများဖြစ်ကြသည်။ မဟာဝေလိ (Mahaveli) မြစ်ကမ်းပါးပေါ်တွင် ယက္ခလူမျိုးနှစ်ဖွဲ့ မျက်နှာချင်းဆိုင် ရပ်လျက်ရှိနေကြပြီး မဟိယင်္ဂဏ မြေပြင်မှာ အလွန်ပြင်းထန်သည့် စစ်ပွဲတခုအတွက် အဆင်သင့် ဖြစ်နေခဲ့ကြသည်။

မဟိယင်္ဂဏတွင် ဘေးအန္တရာယ်ကြီး ဖြစ်ပွားတော့မည်ကို နတ်မျက်စိ ဒိဗ္ဗစက္ခုဖြင့် သိမြင်တော်မူသည့် ကရုဏာရှင် မြတ်ဗုဒ္ဓသည် ယက္ခများကို ငြိမ်းချမ်းရေး တရားစကားများ၊ စစ်ပွဲ၏ အန္တရာယ်များ၊ ငြိမ်းချမ်းညီညွတ်မှုနှင့် အတူတကွနေထိုင်ကြခြင်း၏ တန်ဖိုးများကို ရှင်းလင်းဟောကြားခဲ့သည်။

ပညာရှိ ယက္ခများသည် မြတ်ဗုဒ္ဓ၏ ငြိမ်းချမ်းရေး တရားစကားတော်ကို ယုံကြည်စွာ လက်ခံခဲ့ကြသည်။ ထိုအကြောင်းကို ဘာသာရေး စာအုပ်များတွင် သီရီလင်္ကာကျွန်းနိုင်ငံကို ကရုဏာရှင် မြတ်ဗုဒ္ဓအား လှူဒါန်း ပူဇော်ခဲ့သည် ဟု မှတ်းတမ်းတင်ထားရှိခဲ့ကြလေသည်။

တောင်ကုန်းထိပ်နေ ဒေ၀မျိုးနွယ် ဆိုသူများကလည်း မြတ်ဗုဒ္ဓကို ဖူးမြင်ဖို့ မဟိယင်္ဂဏကို ရောက်ခဲ့ကြသည်။ ဒေ၀တို့ဘုရင် သုမန (Sumana) သည် ဗုဒ္ဓဘာသာဝင်အဖြစ် ခံယူခဲ့ပြီး မြတ်ဗုဒ္ဓထံ ကိုးကွယ်ပူဇော်ဖို့ အမှတ်တရ ဓာတ်တော်မွေတော်များ တောင်းခံခဲ့ပြီး မြတ်ဗုဒ္ဓအပေါ် အလွန်ရိုသေ လေးစားခဲ့သည်။

ထို့နောက်ဘုရားရှင်သည် သူ၏ ဦးခေါင်းတော်မှ ဆံတော် လက်တဆုပ်ကို လွှဲပေး (စွန့်ပေး)ခဲ့သည်။ ထို့ကြောင့်ပင် ဘုရင်သုမနသည် ထိုဆံတော်မြတ်များကို ဌာပနာတော် ပြုလုပ်ခဲ့ပြီး မဟိယင်္ဂဏစေတီတော်ကို တည်ထားခဲ့သည်။

မဟာဝံသ (Mahavamsa) မှတ်တမ်းနှင့် အခြားမဟိယင်္ဂဏ စေတီတော် (Mahiyangana Dageba) သမိုင်းကျမ်း အလိုအရ စေတီတော်သည် ယနေ့တိုင် မြတ်ဗုဒ္ဓက ယက္ခတို့အား တရားဟောတော် မူရာ နေရာတွင် တည်ရှိလျက်ရှိနေသည်ဟု ဆိုကြသည်။ ထိုနေရာသည် ကိုလိုနီခေတ်က မဟာနာဂတောကြီး (Mahanaga Vana Uyana) ဖြစ်ပေသည်။

ထို့အပြင် ထိုအဖြစ်အပျက်များသည် သီရိလင်္ကာ ဗုဒ္ဓဘာသာသမိုင်းနှင့် ဆက်စပ်လျက်ရှိရာ ထိုအရာများသည် အခြားအကြောင်းအရာဖြစ်သည့် ဒုရုသုပေါဟောယ နေ့နှင့် ဆက်စပ်ခြင်း ဖြစ်ပေသည်။

မြတ်စွာဘုရားရှင် သဗ္ဗညုတညာဏ်တော်ကို ရရှိအပြီး ကိုးလအလွန် ဒုရုသုပေါဟောယနေ့တွင် မြတ်ဘုရားသည် ဥရုဝေလကဿပ၊ နဒီကဿပနှင့် ဂယာကဿပ ဟူသည့် အလွန်ကြော်ကြားသည့် ရသေ့ညီနောင် သုံးပါးကို ရတနာသုံးပါးတွင် ယုံကြည်သက်ဝင်စေခဲ့ခြင်းဖြစ်သည်။

ဘုရင်ဗိမ္ဗိသာရနှင့် တွေ့ဆုံဖို့ ရာဇဂြို င်္ဟ်သို့ အသွားလမ်းတွင် မြတ်ဗုဒ္ဓသည် ထိုရသေ့ညီနောင် ၃ယောက်နှင့် သူတို့ အခြံအရံရသေ့ပရိသတ် အကျိုးစီးပွားအတွက် အနတ္တလက္ခဏသုတ်တော်ကို ဟောကြားတော်မူခဲ့သည်။

ထိုအဖြစ်အပျက်သည် ဒုရုသုလတွင် ဖြစ်ခဲ့လေသည်။ ဘုရင်ဗိမ္ဗိသာရသည် ဆွေတော်မျိုးတော်များ၊ မိဘများ၊ မိတ်ဆွေသူငယ်ချင်းများစွာ၏ အကျိုးစီးပွားအတွက် ဝေဠုဝန်အမည်ရ ၀ါးရုံတောအုပ်ကို ဘုရားရှင်အား လှူဒါန်းခဲ့သည်။ ထို့နောက်ဘုရားရှင်သည် ဘုရင်ဗိမ္ဗိသာရအား သေဆုံးသွားသူအတွက် ရည်စူးပြီး ပြုလုပ်ရသည့် ကုသိုလ်ကောင်းမှုပြုလုပ်ရခြင်း၏ အကျိုးတရားများကို ရှင်းပြခဲ့သည်။ ထိုရည်စူးကုသိုလ် ပြုလုပ်သည့် ထုံးစံသည် ဘာသာရေးအလေ့အကျင့်တခု ဖြစ်လာခဲ့သည်။

ယနေ့မျက်မှောက်ခေတ်ကာလတွင် ဒုရုသုပေါဟောယနေ့ကို ကျောင်းတိုက်တိုင်းတွင် ကျင်းပပြုလုပ်လျက်ရှိကြ သည်။ ကမ္ဘာ့နေရာအနှံ့က လက်ခံထားကြသည့် နှစ်တနှစ်၏ ပထမဆုံးလတွင် သီရိလင်္ကာနည်းတူ နေရာအနှံ့ အပြားတွင် ဘာသာရေးပွဲတော်များကို ဇန်န၀ါရီလတွင် ကျင်းပလျက် ရှိကြပေသည်။

ကေလနီ (Kelani) (ကလျာဏီ) ကျောင်းတော်တွင် ကျင်းပသည့် ဒုရုသုပေါဟောယ - “ပေရဟေရ” ပွဲတော်သည် ဆင်ဟာလ ဗုဒ္ဓဘာသာယဉ်ကျေးမှုနှင့် နိုင်ငံသူနိုင်ငံသားတို့၏ ခံစားမှုကို ထုတ်ဖေါ်ပြသလျက် ရှိပေသည်။

Pohoya Song

To Kelani
To worship
Reminds Mahiyangana.

To worship Mahiyangana
Maha Vehera
Wish I could.

Dawning of Buddha
To Mahiyangana
Thank to the Dhamma.

Arms held arms
Arms went down
May peace blow cool
Soothing the minds.
====000====


DURUTHU POHOYA - THE MONTH OF JANUARY, SOMA JAYAKODY, GODAGE BOOK EMPORIUM, 2006 - ကို ဘာသာပြန်ထားခြင်း ဖြစ်ပါသည်။

လပြည့်နေ့က ကလျာဏီသိမ်အတွင်းလာရောက်ကြသည့် ကုသိုလ်ပြုသူများ

=======================================================
မှတ်သားဖွယ်ရာ
=======================================================
ယခု ပို့စ်တွင် ယက္ခ (ဘီလူး) နာဂ (နဂါး) ဒေ၀ (နတ်) မျိုးနွယ် လူမျိုးများ ဆိုသည်ကို တွေ့ရပါသည်။ ကုလားဘုန်းကြီး သောမတိလကထေရ်နှင့် ပုညရတနထေရ်တို့ကို ထိုအကြောင်း မေးမြန်းရာ မှန်ကြောင်း ထိုလူမျိုးတို့သည် ရှေးအခါက သီရိလင်္ကာတွင် နေထိုင်သည့် လူမျိုးစု၏ အမည်များဖြစ်ကြောင်းနှင့် ထိုလူများသည် ပါဠိစာပေတွင်လာရှိသည့် ဘီလူးသတ္တ၀ါ၊ နဂါးသတ္တ၀ါ၊ နတ်ဒေ၀တာ များနှင့် မဆိုင်ကြောင်း မိန့်ကြသည်။ သီရိလင်္ကာ မြောက်ပိုင်းရှိ နာဂဒီပကျွန်း ယခုအခေါ်အဝေါ် ဂျက်ဖနာ သည် ရှေးရှေးက နာဂလူမျိုးစု တို့ နေထိုင်ခဲ့ရာ ဒေသပင် ဖြစ်သည် ဟု ဆိုသည်။
မိမိတို့ မြန်မာနိုင်ငံတွင်လည်း နာဂ လူမျိုးဆိုသည်မှာ ယခုမျက်မှောက်ခေတ်တွင် ရှိသည်မဟုတ်လော။
=======================================================

(ဒုရုသု ပေါဟောယနေ့သည် မြန်မာပြက္ခဒိန်အရမူ တပိုတွဲလပြည့်နေ့ဖြစ်ပါသည်)

ဗဟုသုတ တိုးပွားကြပါစေ-

အရှင်တေဇနိယာလင်္ကာရ (ခေတ္တ-ကိုလံဘို)